MENKO. OBIARA NKO.

bf9a00f1b12e1a2fb18313caf9c3ab6f

Mensane meho ngu hefa,

Na anka ɛbia ahomegyeɛ

Bi wɔ baabi a,

Abɛhyia me wɔ kwan ho?

menkyekyɛ me mu ngu he?

Adaagyeɛ nni hɔ ma obiara;

Hwɛ sɛ asomasi akeka mu

Ama ne ne afa,

Nso obiara mpo nnyinaeɛ

Mmisaa sɛ: “annyɛ biara,

Mentam wo nsoa wo anaa?”

Mmerepa kɔ. Nnɛ, yɛmfa nsuo

Ԑnsoma obi kora mu nkɔ ma

Ne nua kwantimfi.

Tema a ayera nti, ɔbɛbrɛ ntɛm,

Nensa bɛgyene,

Ԑbɛdane agu!

“Ԑtua wo yɔnko mu a, ɛtua dua mu”

Na yɛasina de agu yɛn kɔn mu,

Me boa?

Akasaakasa boro so a,

Worente ɔbaakofoɔ ne.

Nti nka obiara nkasa baako baako ɛ?

Ato deɛ ɔbɛdi kan.

Obiara se:

“Ԑnnyɛ onii nti na m’ano da mu yi o!”

Dede hunu kwa!

Biribiara nna din no,

Na akra asa.

Menko…

Obiara nko…

Nti mensane meho ngu hefa?

Kyerɛ me.

Menkyekyɛ me mu ngu he,

Na ɔboafoɔ wɔ baabi a,

Ͻde mmirika abɛtwe me

Agyina me nan so ayɛ me aduro?

Menko…

Obiara nko…

Kuro no abɔ,

Nti na merebisa wo yi.

Kyerɛ me…

Memfa he?

Advertisement

9 thoughts on “MENKO. OBIARA NKO.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s